يحتفل المصريين اليوم وغدا بعيد العمال وعيد قيامة حضرة المسيح له المجد فى الاعالى واليوم الثانى عشر من عيد الرضوان وعيد شم النسيم . كل عام وكل المصريين وكل اخواتنا فى الانسانية بخير ومحبة وسلام. اما عن شم النسيم او عيد شم النسيم عيد مصرى قديم من حوالى 2700 قبل الميلاد، يعنى عيد عمره اكتر من 4700 سنه. اسم شم النسيم جاى من كلمة شمو وهي كلمه هيروجليفي.
عيد شم النسيم عند المصريين القدماء بيعلن بداية الحياه لإن المصريين القدماء اعتبروا ان الربيع بداية الحياه (لان الزهور بتتفتح فى الربيع و كمان الزرع بيخرج من الارض).
احتفال الفراعنه بعيد شم النسيم المصريين القدام كانو بيحتفلوا بشم النسيم بنفس الطريقه اللى لسه موجوده لغاية النهارده ، فكانو بياكلو البيض الملون والفسيخ و السردين والبصل والخس، وكل حاجه منهم بترمز لرمز. زى البيض اللى هوا رمز خروج الحياه، لإن الكتكوت بيخرج من جماد. و الفسيخ او السمك المملح عموما كان تعبير من المصرى القديم عن حبه للنيل (لان السمك بييجى من النيل). و البصل اللى كان رمز للحياه عند المصريين القدام، وكانو بيعلقوه على الجدران بتاعة بيوتهم (زى ما بيحصل لغاية دلوقتى ).والخس اللى كان اسمه (عيب) بالهيروجليفى كان بيعتبر من النباتات المقدسه، وكان معروف من الاسره الرابعه.
الاحتفال بشم النسيم عند المصرى القديم كان مهرجان شعبى بيبتدى مع طلوع شمس اليوم ، و كان بيقضيه المصريين فى الفسح فى الجناين و على شط النيل و الاماكن اللى فيها زرع. وبيكون شم النسيم يوم الاتنين اللى بعد عيد الفصح و اللى بيكون يوم حد.
عيد الرضوان هو اعظم الاعياد البهائية لانه عيد اعلان دعوة حضرة بهاء الله مؤسس الدين البهائى فى 21 ابريل 1863 ونحن فى الذكرى 151 لهذا اليوم العظيم وهو يشير إلى وصول حضرة بهاء الله وأصحابه إلى حديقة “النّجيبيّة” بالقرب من مدينة بغداد، الّتي أطلق عليها البهائيّون فيما بعد اسم “حديقة الرّضوان”. وكان وصول حضرته إلى هذه الحديقة في اليوم الحادي والثّلاثين بعد نيروز عام ۱۸٦۳م أي في شهر نيسان (إبريل) من ذلك العام، وهو ابتداء الفترة الّتي أعلن فيها حضرة بهاء الله بعثته المباركة على أصحابه. تفضّل حضرته بالتّنويه إلى تلك الفترة في أحد ألواحه: “أيّام فيها ظهر الفرح الأعظم”. ووصف حديقة الرّضوان بأنّها “مقام فيه تجلّى باسم الرّحمن على من في الإمكان”. ومكث حضرته في هذه الحديقة اثني عشر يوماً قبل الرّحيل إلى “استنبول” (الآستانة) الّتي نُفي إليها بعد ذلك. ويُحتفل سنوياً بهذه المناسبة في عيد الرّضوان الّذي يدوم اثني عشر يوماً، والّذي وصفه حضرة وليّ أمر الله بأنّه “أعظم الاعياد البهائية.
فى حياة الامم اعياد تاريخية لاتنسى مهما مرت قرون عدية لان مصر بلد الحضارة وستظل للابد كل سنة وكل المصريين بخير وسعادة للسنة المصرية الجددية التى تبدا 11 سبتمبر القادم وهذه فاعليات هذا العام فى المحافظات المختلفة
حراس الهوية المصرية, بيحتفلو بالمناسبة دي في صالون محسن لطفي السيد, من سنة 1997 (6239), وكل سنة بشكل وطريقة.
لأن راس السنة, هو قمة السنة, وهو أهم وسيلة للإحساس بالهوية وتدعيم الإنتماء.
6256 .. في إسكندرية يوم (24 مسرا) 30 أغسطس.
6256 .. في المنيا, يوم (2 أبد-كوجي) 7 سبتمبر.
6256 .. في المنصورة, يوم (4 أبد-كوجي) 9 سبتمبر.
6256 .. عصر الخميس في نيل القاهرة, مركبة زي كل سنة (1 توت) 11 سبتمبر.
6256 .. صباح الخميس 1 توت الموافق 11 سبتمبر, إستطلاع النجم سبدت, وتحية العلم لحظة شروق أول شعاع شمس في السنة المصرية, والساعة واحدة وقفة في المتحف المصري برقم السنة المصرية الجديدة 6256, والساعة 4 رحلة نهرية, زي كل سنة, هتكون في مرسى حورس المقابل لمعهد ناصر كورنيش روض الفرج, ونرجو أن يكون مثل ذلك في كل مدن وقرى مصر, وفي المهاجر, زي كل سنة في باريس وسيدني وواشنطن ونيويورك.
6256 .. مساء السبت 3 توت الموافق 13 سبتمبر, في المتحف القبطي.
6256 .. مساء الجمعة 9 توت, الموافق 19 سبتمبر, حفل فني ختامي في نادي محمد علي, كورنيش نيل الجيزة.(more…)
كل سنة والمسيحيين اخوتنا فى الوطن الغالى مصر وهم طيبين بمناسبة ذكرى ميلاد حضرة المسيح له المجد بالاعالى ويارب يكون عيد عليكم بالخير والسعادة وحشتنا اجراس الكنائيس فرحة بليلة العيد لذا اخترت لكم رائعة فيروز ليلة عيد ومجموعة تراتيل عيد الميلاد المجيد . كل سنة وكل العالم وبلدى بخير و المصريين كلهم بكل طوائفهم بخير ومحبة وسلام
تهنئة قلبية لكل المسلمين بمصر والعالم لقرب حلول عيد الفطر المبارك اعاده الله تعالى على كل المسلمين وكل المصريين والبشر فى كل العالم بهذا العيد الذى اتمنى ان ياتى بنسائم الصلح والسلام والوحدة والاتحاد بين بنى البشر . باقة ورد مروية بماء النيل الى كل البشر
الى اهل بلدى الطيبين لكم منى خالص المحبة اليوم عيد الحب والمحبة لكل بنى الانسان اتمنى من الله سبحانه وتعالى ان يشمل مصر واهلها الطيبين برعايته ومحبته والا يراق اى دم لاى انسان فيها سلام على ارض المحبة والسلام
كل عام واخوتنا واخواتنا المسيحيين فى ربوع مصر والعالم بخير ومحبة وسعادة بعيد السيدة العذراء دعواتنا ان تشرق على العالم شمس الحقيقة ويسطع انوار السلام على الانام
يجب عليك تسجيل الدخول لكتابة تعليق.