Posts Tagged ‘قصائد’

السلام اجمل حقيقة

17-09-2010

بمناسبة يوم السلام العالمى 21 سبتمبر من كل عام, كل عام وانتم فى سلام واهديكم هذا الشعر :

السلم اجمل حقيقة        السلم مش خيال

فكر ولو دقيقة             وماتقولش فيه محال

دي الضحكة لو بريئة    اكيد تهد  جبال

خلي البسمة الرقيقة      تديك اعظم مثال

ياله بقلوب جريئة        نصرخ صرخة رجال

لا للحرب الغريقة       ده السلم راحة بال

تعالو نسأل روحنا       م الحرب ايه جنينا

غير كره وعيشة مرة   كسرت دمعة عينينا

دي الحرب مهما طالت  لازم في يوم تنتهي

والليل مهما دام          فجر الظلام ينجلي

والحب لو يوم زال       من نور الله نهتدي

بالهمة وكلمة حلوة        نقدر في يوم نبتدي

تعالوا نسأل روحنا      م الحرب ايه جنينا

غير كره وعيشة مرة   كسرت دمعة عينينا

تعالو نلملم جروحنا    ونعيش زي ماكنا

الاول نشوف عيوبنا   ونصلح من قلوبنا

ونعيش احنا وعيالنا    في عالم يجمع اسرنا

ونفرح بانتصارنا      ع الشر جوا عقولنا

رب العباد عايزنا       وفي رسالاته امرنا

نحب الخير لناسنا     ونجاهد اول نفوسنا

ونغير دايما فكرنا      ونعيش دايما حلمنا

تعالوا نسأل روحنا      م الحرب ايه جنينا

غير كره وعيشة مرة   كسرت دمعة عينينا