حلم صديقتى فى يوم التسامح العالمى 16 نوفمبر


لى صديقة جميلة شاعرة ودائما ما احظى بخطاباتها التى تسعدنى ووصلنى 
منها اليوم هذا الخطاب ردا على مقال لى عن يوم التسامح العالمى 
واردت ان اشاركم به و نحن على أعتاب يوم التسامح العالمي؛أبعث بحلمي
 إلى العزيزة الغالية دكتورة باسمة موسى القدوة الإنسانية المتحلية
 بروح المحبة والتسامح مع الجميع:حلم جميل رأيته بنكهه مصرية،
ولكنة مصرية، وأنا حته من روحي مصرية، حتى إن كنت جسدا موش مصرية!
رأيته في١٦ نوفمبر ٢٠٠٨ على ضفاف نهر التايمز الهادئ الحالم،
 في مدينة الضباب الحالمة.أشرككم فيه و إحساس إنساني دفين يؤكد لي
 أن تحقيقه قريب لأنه حلم كل إنسان يطمح إلى حياة آمنة و عيش كريم ،
 و من ذا لا يتوق إلى عيش كريم؟!! 

حلمت امبارح حلم جميل
إيدي في إيدك على شط النيل
الشمس طالعة في وسط السما
و الأرض جنة و الطير في الفضا
بصيت في عينيك مش مصدقة
و قلت لك و انا مستغربة:
تيجي نتسامح كده على طول
و بلاش نخلي جراحنا تطول
ننسى أحزان الماضي
و نعيش في رحمة و تراضي
و نفكر في اليوم و الحاضر
و قدامنا المستقبل زاهر
بالحب نداوي جرح قديم
و لا يبقى أبدا جرح جديد
اليوم دا أعظم مني و منك
بلاش يروح كدة مني و منك
يعني استفدنا إيه من الحروب
غير الدمار و حرق القلوب
معقولة نفني زهرة شبابنا
في اللي انتو قلتو واللي احنا قلنا؟!!

بصيت في عينيّ و قلتلي
صحيح كلامك فكرتيني
هو اللي خلقنا مش رب واحد؟
و المرسلين مش أصل واحد؟
و دين ربنا مش أمر واحد؟
حتى احنا برضه مش خلق واحد؟
يبقى الخصام دا لزومه إيه
و اللا التعصب ينفع بإيه
لما احنا أصلا متفقين
حتى إذا كنا موش داريين؟!!

بقى قلبي يرف زي العصفور
و قلته و بابص للنور
كفاية نحلم، الله يخليك
إيدي في إيدك إن كان يرضيك
قال لي خلاص صافي يا لبن
بين الإخوات ما يحكم زعل
17 نوفمبر 2008
Advertisements

الأوسمة: , , , , , , , , , ,

رد واحد to “حلم صديقتى فى يوم التسامح العالمى 16 نوفمبر”

  1. ali Says:

    بالحب نداوي جرح قديم
    و لا يبقى أبدا جرح جديد
    ما اروع هذا الكلام
    ما اعظم الحب للانسانية .. للعالم .. الحب اسمى الاشياء

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: