في ندوة المواطنة بمركز الأهرام


head_center1.jpg

 الحزب الوطني والحكومة عن الفتنة الطائفية واتهامات للمؤسسات الدينية الرسمية بالعمل لمصلحتها

كتب على البدراوى فى البديل 22-1-2008 ص2

انتقد المشاركون في ندوة «الوحدة الوطنية والمواطنة»، التي نظمها مركز الأهرام للدراسات السياسية والاستراتيجية دور المؤسسات الدينية الرسمية في التعامل مع القضايا الطائفية، كما حملوا الحزب الوطني والحكومة مسئولية الاحتقانات القائمة بين المسلمين والأقباط.

حيث أكد الدكتور عبد المنعم سعيد، مدير المركز

، أن الحزب الوطني  والحكومة يتحملان المسئولية كاملة عن كل ما يجري، لأنهم الموجودون في سدة الحكم، منوها إلي تجاهل الحزب المادتين 40 و46 في قضية البهائيين، حيث تميز المادتان بين العقيدة والدين، وهما في نفس الوقت يتفقان مع المادة الثانية من الدستور.
وشن نبيل عبد الفتاح، الباحث بالمركز، هجوما علي المؤسسات الدينية الرسمية، واتهمها بأنها غالبا ما تجنح إلي التسلطية، ولا ترقي إلي مستوي التعبير الفعلي عن مصلحة المواطنين، والمشكلة الرئيسية في المواطنة تتمثل في النظام السياسي لأنه لم يستوعب مطالب القوي السياسية، وأن بعض النصوص الدستورية التي تتعلق بالمواطنة وضعت لاعتبارات سياسية في المقام الأول.
وأكد جمال أسعد، المفكر القبطي، أن النظام السياسي يزايد في الحل، لأن ما يطرح من حلول لهذه القضايا لا يمثل الاقتراب الحقيقي لها ولكن يؤدي إلي افتعال الفتن

6 تعليقات to “في ندوة المواطنة بمركز الأهرام”

  1. M.Guardian Says:

    وأكد جمال أسعد، المفكر القبطي،
    وأكد جمال أسعد، المفكر القبطي،
    وأكد جمال أسعد، المفكر القبطي،
    وأكد جمال أسعد، المفكر القبطي،

    معلش سامحونى فى اللفظ.. لكن مين إخترع أم لقب “مفكر قبطى” لجمال أسعد؟
    هل وظيفته فى البطاقة “مفكر قبطى”؟؟
    هل فيه أى إدعاء للزعم بإن الراجل ده: “مفكر” ؟؟
    مفكر قبطى ايه بس؟ ده “مفكر نفسة قبطى” ماشى تبقى مقبولة ومبلوعة..

    طيب انا راجل ديمقراطى وباحب حكم الشعب لصالح الشعب.. لو جمال أسعد ده عملنا له إستفتاء على الأقباط هل هو “مفكر قبطى” ولا لاء.. وخد أصوات أكتر من أصوات عائلته بالكتير.. يا إما هاولع فى نفسى بجاز يا إما هاخد القطر بالحضن.. لو المفكرين بالشكل ده!

    مفكر ايه؟ دا أنا أعتقد إنه لو إمتحنوه لوحده فى أى حاجة قبطية هايطلع التانى!

    معلش مرة تانية على الخروج بره الموضوع.. بس أنا باتضايق من المحسوبين على الأقباط “مفكرين”..

    هاسكت أهو خلاص..

    جررررررررررررررر

  2. Smile Rose Says:

    عزيزى جارديان
    ده خبر منقول كما هو واذا مش عاجبك اشيله ولكن لا تولع بنفسك فهى اغلى من اى القاب لاى انسان فمعذرة

  3. M.Guardian Says:

    على العكس تماماً..
    أنا عارف كويس إنه خبر منقول وتعليقى بالأساس ساخر ومتهكم أكتر من إنه جاد..
    متشغليش بالك بيا.. أنا مش هاولع فى نفسى غير وانا حاضن أحد رموز التطرف علشان نخش النار جماعة..
    اما جمال أسعد فده رمز لحاجة تانى خالص ليها سورة كاملة فى القرآن الكريم..
    دا أنا يبقى يوم سعدى لو قابلته فى نقاش حوارى متحضر متكافئ الأطرف.. هايبقى ولا فرح العمدة.. ملحمة صيد وحيد القرن بالصنارة.. فقرة الدب على الدراجة.. قولى زى ما إنتِ عايزة..

    على فكرة،
    أعتقد المدونة دى ممكن تهمك، والمدون فتحى فريد طالع فى الفيديو بوجه مكشوف:
    http://forum.sonsofegypt.net/blogs/29/blog9.html
    الأشكال اللى فى الفيديو دى بتبدو لعين الرائى وكأنها أشكال أشبه بالبشر.. للأسف هيه اللى بتدافع وبتترافع وبتحكم فى القضايا.. يبقى مستنيين إيه؟
    حاسس إنى إتنقلت لزمن تانى من بتوع: “ويحك يا كعب ابن حذاء!! لقد صبأت ودخلت فى الدين الجديد!!! لقد أصبحت من أتباع حقوق الإنسان!!!”
    أول مرة الصراحة أعرف إن فيه “فكر اسلامى” بيقول إن مفيش حاجة اسمها أديان خالص!!
    يبقى لا مادة 40 ولا 46 ولا بطيخ بقى..

  4. على البدراوى Says:

    على فكره انا اللى كاتب الخبر وكنت اول مره التقى بجمال اسعد ولما جيت اكتب الخبر سألت زميلى اللى ماسك الملف القبطى فى الجريدة على لقب لجمال اسعد قاللى هو مفكر قبطى وبعدين مش هى دى القضيه ….. شكرا

  5. Smile Rose Says:

    الاستاذ على
    شكرا لك التوضيح ونحن نعلم ان قصدك كل خير

  6. مجهول Says:

    والله ياجماعه اعتقد ان الخبر ده جميل جدا ومش محتاج التعليقات دى كلها على كلمة مفكر قبطى وشكرا للاستاذ على البدراوى على التوضيح مزيد من التوفيق

اترك رد

Please log in using one of these methods to post your comment:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s


%d مدونون معجبون بهذه: